...

Tab Menu E

♥ ♥ ♥ ♥ ♥ မင်္ဂလာပါ . . . ♥ ♥ ♥ ♥ ♥ အောင်လံသုခိတာမှ လှိုက်လှဲစွာကြိုဆိုပါ၏ . . .။ ♥ ♥ ♥ ♥ ♥

Wednesday, May 5, 2010

အောင်လံမြို့၊ စခန်းသာကျောင်း ဘုန်းတော်ကြီးသင်ပညာရေးကျောင်း


စခန်းသာကျောင်းတိုက်အစ


   မြန်မာနိုင်ငံသည် ဗုဒ္ဓဘာသာထွန်းကားသောနိုင်ငံဖြစ်သည်နှင့်အညီ ဘာသာရေး၊ သာသနာရေးတို့တွင် စံတင်လောက်သည့်နိုင်ငံ တစ်နိုင်ငံဖြစ်ပါသည်။
   နိုင်ငံနှင့်အ၀ှမ်း မြို့ကြီးပြကြီးများမှအစ မြို့နယ်အသီးသီး၊ ရက်ကွက်ကျေးရွာအသီးသီး လူနေလုပ်စုဒေသ အသီးသီးတို့၌ ဘာသာ၊သာသနာထွန်းကားမှုပြယုဂ်များဖြစ်သည့် မြို့နယ်အလိုက်၊ ရပ်ကွက်အလိုက်၊ ကျေးရွာအလိုက်၊လူနေအုပ်စုအလိုက် ဘုန်းတော်ကြီးကျောင်းများဆောက်လုပ်လှူဒါန်းကြပြီး ပူဇော် ကိုးကွယ် ကြသည့် အလေ့အထများမှာ ဗုဒ္ဓဘာသာမြန်မာလူမျိူးတို့၏ ဘာသာရေးအစဉ်အလာတစ်ရပ်လည်း ဖြစ်ပါသည်။
   ထိုကဲ့သို့သောဘာသာရေးအစဉ်အလာများအား ဆက်ခံထိန်းသိမ်းသမှု ပြုလုပ်ကြသည်များအနက် အောင်လံမြို့၊ စက်ရုံတိုးချဲ့ကွက်သစ်မှ "ဘုန်းတော်ကြီးများသင်ဗုဒ္ဓဘာသာအခြေခံပညာ မူလတန်း ကျောင်း"ဖြစ်သည့် "စခန်းသာကျောင်းတိုက်" သည်လည်း တစ်ကျောင်းအပါအ၀င်ဖြစ်ပါသည်။
ရပ်ကွက်အတွင်း၌ ဘုန်းတော်ကြီးကျောင်းတစ်ကျောင်း ဆောက်လုပ်လှူဒါန်းပူဇော်ကိုးကွယ်ရန် စုပေါင်းညှိနှိုင်းဆွေးနွေးတိုင်ပင်ကြသည့်အချိန်၊ ပြည်မြို့မှ ရဟန်းအမကြီး ဒေါ်ညီမမှ မြေနေရာ(၄) ဧကအား ၀ယ်ယူပြီး၊ မြေစိုက်ကျောင်းဆောင်(၅)ပင်(၄)ပင်၊ ၀ါးထရံကာ၊ သက္ကယ်မိုးကျောင်းဆောင်သစ်တစ်ဆောင် အား ဆောက်လုပ်လှူဒါန်းခဲ့ပါသည်။ ကျောင်းဆောင်သစ်အား"စခန်းသာကျောင်း"ဟူ၍ အမည်ပေး ခေါ်ဝေါ် ခဲ့ပြီး ကျောင်းထိုင်ဆရာတော်ဦးစက္ကိန္ဒဖြစ်ပါသည်။
   ၁၉၉၃ ခုနှစ်၊ မေလ(၁၅)ရက်တွင် ရပ်ကွက်ငြိမ်ဝပ်ပိပြားမှုတည်ဆောက်ရေးအဖွဲ့ဝင်များနှင့် စိတ်ပါဝင်စားရှိကြမည့် ရပ်မိ၊ရပ်ဘများအားဖိတ်ကြားလျက် "ဘုန်းတော်ကြီးသင်စာသင်ကြောင်း" ဖြစ်မြောက်ရေးအတွက် ညှိနှိုင်းဆွေနွေးခဲ့ပါသည်။ညှိနှိုင်းဆွေးနွေးအကြံပြု တင်ပြချက်များအား သက်ဆိုင် ရာသို့တင်ပြရာ အောင်လံမြို့နယ် ငြိမ်ဝပ်ပိပြားမှုတည်ဆောက်ရေးအဖွဲ့အနေဖြင့် အောင်လံမြို့နယ်၊ သဃနာယကဆရာတော်များ၏ ဦးဆောင်ကြီးကြပ်မှုကိုခံယူလျှက်နိုင်ငံတော်ငြိမ်ဝပ်ပိပြားမှု တည်ဆောက် ရေးအဖွဲ့၏ ပညာရေးဆိုင်ရာမူဝါဒနှင့်အညီ အောင်လံမြို့နယ်အတွင်း၌"ဘုန်းတော်ကြီးသင် ဗုဒ္ဓဘာသာ အခြေခံပညာမူလတန်းကျောင်း"များ ဖွင့်လှစ်သင်ကြားနိုင်ရန် လမ်းညွှန်မှု ပြုခဲ့ပါသည်။
ယင်းကဲ့သို့လမ်းညွှန်မှုဖြင့် စခန်းသာကျောင်းတိုက် ဘုန်းတော်ကြီးသင်ဗုဒ္ဓဘာသာ အခြေခံပညာ မူလတန်း ကျောင်း  စာတတ်မြောက်ရေး ကြီးကြပ်မှုကော်မတီကို အဖွဲ့ဝင်(၁၃)ဦးဖြင့် ၁၉၉၃ ခုနှစ် မေလ(၃၀) ရက်နေ့တွင် ဖွဲ့စည်းခဲ့ပါသည်။
   စခန်းသာကျောင်းတိုက် ဘုန်းတော်ကြီးသင် ဗုဒ္ဓဘာသာအခြေခံပညာမူလတန်းကျောင်းကို ရည်ရွယ်ချက် (၅)ချက်ဖြစ်သည့်..
၁။ မြန်မာနိုင်ငံတွင် စာမတတ်သူပပျောက်ရေး
၂။ ကလေးသူငယ်တိုင်း မူလတန်းပညာ တတ်မြောက်ရေးရည်ရွယ်ချက်ကို အထောက်အကူပြုရေး
၃။ ကလေးသူငယ်တိုင်း ဘာသာတရားကိုင်းရှိုင်းမှုရှိလာစေရေး
၎။ မြန်မာ့ရိုးရာယဉ်ကျေးမှုထိန်းသိမ်းရေး
၅။ မိဘမဲ့ကလေးသူငယ်များ၊ ဆင်းရဲနွမ်းပါးသည့်ကလေးသူငယ်များ မူလတန်းပညာသင်ကြားနိုင်ပြီး   
    လေလွင့်မှုနည်းပါး၍စာရိတ္တကောင်းမွန်ရေး -  ဟူသော ရည်ရွယ်ချက်(၅)ချက်ဖြင့် ၁၉၉၃ ခုနှစ်၊ ဇွန်လ(၂၇)ရက်နေ့တွင်ကျောင်းသူ၊ကျောင်းသား(၃၅)ယောက်ဖြင့် စတင်ဖွင့်လှစ်ခဲ့ပါသည်။
    နိုင်ငံတော်၏ စာမတက်သူပပျောက်ရေးနှင့် ဘုန်းတော်ကြီးသင်ဗုဒ္ဓဘာသာအခြေခံပညာမူလတန်း ကျောင်းများစီမံချက်အရ အောင်လံမြို့တွင် ဘုန်းတော်ကြီးသင် ဗုဒ္ဓဘာသာ အခြေခံပညာမူလတန်းကျောင်း များအဖြစ် လယ်ပြင်ဘုန်းတော်ကြီးကျောင်း၊ အောင်သိဒ္ဓိဘုန်းတော်ကြီးကျောင်း၊ ဇောင်ခြမ်းတောင် ဘုန်းတော်ကြီးကျောင်း၊ ဆာပါဘုန်းတော်ကြီးကျောင်း အစရှိသည့် ဘုန်းတော်ကြီးကျောင်း (၁၈) ကျောင်းကို တပြိုင်တည်းဖွင့်လှစ်ပေးခဲ့သော်လည်း စခန်းသာဘုန်းတော်ကြီးကျောင်းတိုက်၊ ဘုန်းတော်ကြီးသင် ဗုဒ္ဓဘာ
သာအခြေခံပညာမူလတန်းကျောင်းတစ်ကျောင်းတည်းသာလျှင် ထူးခြားစွာ တည်တံ့ကျန်ရှိနေပါသည်။
                                    ကျောင်းစတင်ဖွင့်လှစ်စအခြေအနေ
   စခန်းသာကျောင်းတိုက်၊ ဘုန်းတော်ကြီးသင် ဗုဒ္ဓဘာသာအခြေခံပညာမူလတန်းကျောင်း စတင်ဖွင့်လှစ်ခဲ့
စဉ်က ကျောင်းသူ၊ ကျောင်းသား(၃၅)ယောက်ရှိခဲ့ပြီး ပြင်ပမှ အငြိမ်းစားကျောင်းဆရာ(၁)ဦးအား တစ်လ လျှင်(၃၀၀)ကျပ်ဖြင့် ငှါးရမ်းပြီး လုပ်အားပေး စေတနာ ဆရာမ(၂)ဦးဖြင့် ကလေးများအား ပညာသင်ကြား ပေးခဲ့ပါသည်။
   ကျောင်းသူ၊ ကျေင်းသားကလေးငယ်များ၏ နေ့စဉ်နံနက်စာနှင့် မိဘမဲ့ကျောင်းအိပ်ကျောင်းစား ကျောင်းသားများ၏ ညစာအတွက် ဆရာတော်ဦးစက္ကိန္ဒကိုယ်တိုင် ဦးဆောင်ပြီးရပ်ကွက်အတွင်း လှည့်လည်
ဆွမ်းခံခြင်း၊ စေတနာရှင်များမှ လှူဒါန်းခြင်းများကြောင့် ကျောင်းသူ၊ ကျောင်းသားများအား နံနက်စာနှင့် ညစာများ ကျွေးမွေးခဲ့ပါသည်။
  
   အဖွဲ့ဝင် ဦးအောင်ကြီး၊ ဦးရွှေနှင့် ဦးမောင်မောင်တို့(၃)ဦးပါဝင်သည့် အလှူငွေနှင့်ရံပုံငွေရှာဖွေရေးအဖွဲ့ ငယ်တစ်ဖွဲ့ကိုလည်း ဖွဲ့စည်းပေးခဲ့ပါသည်။
                   ကျောင်းကြီးကြပ်မှုကော်မတီ၏ ကြိုးပမ်းချက်
   ၁၉၉၃-ခုနှစ်၊ ပညာသင်နှစ်ကုန်ဆုံး၍ ၁၉၉၄-၉၅ခု ပညာသင်နှစ် ကျောင်းပြန်လည်ဖွင့်လှစ်သည့် အချိန်တွင် မူလက ကျောင်းသူ/ကျောင်းသား(၃၅)ယောက်ရှိခဲ့ရာမှ(၈၂)ယောက် အထိတိုးတက်များပြားလာ ခဲ့ပါသည်။ ပညာသင်ကြားပေးနိုင်ရန်အတွက် တစ်လလျှင်သုံးရာဖြင့် ငှါးရမ်းထားသည့် အငြိမ်းစားကျောင်း ဆရာတစ်ဦး လုပ်အားပေးစေတနာဆရာမ(၆)ဦးတို့၏အကူအညီဖြင့် ကလေးငယ်များအားဆက်လက် ပညာသင်ကြားပေးခဲ့ပါသည်။
   ကျောင်းသူ၊ ကျောင်းသားကလေးငယ်မျာ၏ ကျန်းမာရေးအတွက်ကိုမူ အောင်လံမြို့နယ်ကျန်းမာရေးဌာန ကျောင်းကျန်းမာရေးအဖွဲ့မှ လာရောက်ကြည့်ရှုကုသပေးပြီး ဆရာဝန်ဒေါက်တာဦးမြင့်သိန်း၊ သူနာပြုဆရာမ ကြီး (စစ္စတာ)ဒေါ်အမာကြည်တို့မှလည်း အခမဲ့ဆေးဝါးများကုသပေးပါသည်။
   သူနာပြုဆရာမကြီး (စစ္စတာ)ဒေါ်အမာကြည်သည် နေ့ညအချိန်အခါမရွေး ကိုယ်တိုင်ကိုယ်ကျစေတနာ
သဒ္ဒါတရားထက်သန်စွာဖြင့်မွန်မြတ်သည့် ဇီဝိတအလှူဒါနကုသိုလ်တစ်ရပ်ကို ပြုလုပ်ဆောင်ရွက်နေသူ ဖြစ်ပါသည်။
                                         အလှူရှင်များ
   ၁၉၉၆-ခုနှစ်၊ ဇန်န၀ါရီလ(၁)ရက်နေ့တွင် အောင်လံမြို့နယ်၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေး အသင်းမှ ဆန်များ၊ ကျောင်းသုံးပြဌာန်းစာအုပ်၊ ဗလာစာအုပ်၊ ခဲတံ အစရှိသည့် စာရေးကိရိယာများ၊ သင်ကြားမှု အထောက်အကူပြုပစ္စည်းများ၊ အ၀တ်အထည်များနှင့် အလှူငွေများ လှူဒါန်းခဲ့ပါသည်။
   ၂၀၀၁-ခုနှစ်၊ ဇန်န၀ါရီလ(၉)ရက်နေ့တွင် မင်းဘူးခရိုင် အေးချမ်းသာရာရေးနှင့်ဖွံ့ဖြိုးရေးကောင်စီဥက္ကဋ္ဌ ဒုတိယဗိုလ်မှူးကြီး တင်မောင်ဝင်းမှ အလှူငွေ ၆၀၀၀ိ/-(ကျပ်ခြောက်ထောင်)တိတကိုလှူဒါန်းခဲ့ပါသည်။
   ၂၀၀၁-ခုနှစ်၊ ဇန်န၀ါရီလ(၂၀)ရက်နေ့ နံနက်(၈)နာရီတွင် မကွေးတိုင်း အေးချမ်းသာယာရေးနှင့် ဖွံ့ဖြိုးရေးကောင်စီမှ၊ ကျောင်းဝတ်စုံ(၇၈)စုံ လှူဒါန်းခဲ့ပါသည်။
         သာသနာရေးဝန်ကြီးဌာန ၀န်ကြီး ဒုတိယဗိုလ်ချုပ်ကြီး(ငြိမ်း)မျိူးညွန့်၏နယ်လှည့်ခရီးစဉ်
   ၁၉၉၆-ခုနှစ်၊ နိုဝင်ဘာလတွင် နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့၊ သာသနာရေးဝန်ကြီးဌာန ၀န်ကြီး ဒုတိယဗိုလ်ချုပ်ကြီး မျိူးညွန့်၏နယ်လှည့်ခရီးစဉ်တွင် အောင်လံမြို့ စခန်းသာကျောင်းတိုက် ဘုန်းတော်ကြီးသင် ဗုဒ္ဓဘာသာအခြေခံပညာမူလတန်းကျောင်းအား ၀င်ရောက်ကြည့်ရှုစစ်ဆေးပြီး၊ ကျောင်းဆောင်သစ်ဆောက်လုပ်ရန်အတွက် လိုအပ်သည့်ဆောက်လုပ်ရေးပစ္စည်းများဝယ်ယူခွင် ရရှိခဲ့ပါသည်။
   ၄င်းပံ့ပိုးမှုပစ္စည်းများဖြင့် ကျောင်းဆောင်သစ်ကို ဆောက်လုပ်ခဲ့ရာ၊ ၁၉၉၇-ခုနှစ်တွင် ဆောက်လုပ်ပြီးစီး ခဲ့ပါသည်။ ထိုကျောင်းဆောင်သစ်ဆောက်လုပ်ပြီးစီးခဲ့သဖြင့်၊ ကျောင်းသူ၊ ကျောင်းသားကလေးများအား အစဉ်ပြေစွာ ပညာသင်ကြားပေးနိုင်ခဲ့ပါသည်။       ။
                                                                                      
                                                                                                     စာတည်းအဖွဲ့

No comments:

Post a Comment

သုခိတာအတွက် တစ်ခုခုပြောခဲ့ပါ . . .

♥ ♥ ♥ ♥ ♥ မြို့နှင့်ပတ်သက်သောဓါတ်ပုံများ၊ ကဗျာ၊၀တ္ထု စာမူများကိုပေးပို့လိုပါက aunglanthukhitar@gmail.com သို့ပေးပို့နိုင်ပါတယ် . . . ♥ ♥ ♥ ♥ ♥

♥ ♥ ♥ ♥ ♥ Website အညွှန်း . . . ♥ ♥ ♥ ♥ ♥